政壇：司馬文選人大荊棘滿途

港區全國人大代表換屆選舉戰況激烈，連早前成功爭取入籍中國嘅荷蘭裔南區區議員司馬文都四出撲「票」嘗試加入戰團，佢最終攞到二十二張提名票進身候選人，歷史性成為第一個參選人大嘅老外。

可惜勇氣可嘉嘅司馬文似乎出師不利，尋日一開跑就連遞交報名表都荊棘滿途，不諳中文嘅佢，對內地來港工作人員嘅指示表現得好無助，要助手幫忙翻譯，簡單到連填表都要助手指點迷津先能夠完成，份表格仲要係全中文嘅添。司馬文參選第一步已經咁迷惘，萬一當選點算？不過呢個擔心可能係多餘嘅，佢當選至算喇！