烽火台：愈是免費 愈要優質

不少人有一個誤解，認為讀者對免費報紙的要求不高──既然分文不取伸手拿來，求其有啲嘢揭吓、睇吓得啦。

其實，愈是免費，愈要優質──因為免費報紙得來容易，讀者大都不會珍惜，如果打開後發現唔好睇，順手丟入垃圾桶便好了，衰啲講句，揭報紙都會嘥力，擺報紙都會嘥位，如果冇嘢好睇，攞嚟做乜呢？

證諸香港市面上的免費報，數量多則多矣，可惜大多粗製濫造，尤其是壹淫媒那份《爽報》，幾乎所有內容出自沆瀣一氣的爛果報同慟新聞。想來，壹淫媒抄襲老作時有所聞，但自己抄自己的壯舉還是《爽報》首創。唉，爛果報宣淫販賤已經夠乞人憎啦，仲要整份《爽報》出來獻世，搞到市民耍手擰頭，大量報紙直接回收，每念及此，小生彷彿聽到樹木慘叫。阿彌陀佛。

直至東方報業集團推出雜誌式免費刊物《好報》，以雷霆萬鈞之勢撼動香江報壇，整個局面因而改寫。掀開這份六十四頁的報章，新鮮熱辣的內容映入眼簾，真係每一頁都咁精彩，每一段都不能錯過！無他，有東方報業的強勁編採隊伍做後盾，《好報》又點止免費報紙咁簡單！讀者汁都撈埋，廣告效益提升，《好報》首日發行已有大量廣告，充分證明讀者與客戶的眼睛都是雪亮的！