SUN世代：「喺街執仔教好佢哋」

譚定邦重開武館，更成立龍獅團，除了延續父親譚國華對武術熱忱，更是為了一眾徒弟仔。「有時會喺街執仔，執返武館教好佢哋！」他說，武館只會間中收取學費，很多時會義務教授：「收錢係因為啲徒弟交咗錢，就會有動力嚟，但如果出席率夠，會退返學費；有啲家境唔好嘅，會唔收錢，甚至貼埋車費。」

開館授徒以來，他已教過數百位徒弟，不少更視這師傅為親人：「佢哋升職加薪會打畀我，話約師傅師母食飯，見到好多徒弟變乖，真係好開心！」受教的不止徒弟，更有他三歲的兒子。說起寶貝兒，他即泛起笑容，大讚兒子遺傳了武術基因，運動細胞也強，最喜歡拿起竹子作鼓棍，模仿舞獅團打鼓。不過，他沒想過要兒子承繼武館：「我只要求佢做好人已經足夠，佢有興趣咪承繼，有徒弟肯承繼嘅話，我畀佢呀！」他說時不失霸氣，渾身散發武者的豁達精神。