政壇：林建康贏馬變身黃大仙

愛沙尼亞駐港名譽領事Matthew林建康匹團體馬「千軍萬馬」尋日出賽，愛駒一支箭咁直奔終點，力壓金至尊珠寶主席黃英豪嘅愛駒「香港至尊」，Matthew同老友振臂高呼。咁lucky，Matthew變身「黃大仙」，笑言會送聖誕厚禮畀太太同一對乖仔，「鍾意乜就買乜」，金額冇上限。自己呢？就獎勵一個旅行trip，聖誕將同媽咪及家人遊獅城，大擦豐富美食。

雖然冇得拉頭馬，但黃英豪見到老友Matthew，仍好禮貌咁握手合照，認真有風度。佢仲話會請晒家人遊泰國，過一個熱辣辣聖誕。數幸運兒，仲有一位。

保良總理Daniel陳正欣一樣咁旺，佢有份嘅團體馬「金獅猛將」奪冠。點慶祝？本身係瑞士名錶IWC中國同香港代理嘅佢話臨近聖誕比較忙，無暇出門，但點忙都會同家人食聖誕大餐，狂歡一晚。