政壇：政商定格：葉振南奉旨歎滿漢全席

中華廚藝學院早前擺咗十圍「滿漢全席」籌款，每席盛惠十五萬元，愛嘗美食嘅汕頭商會常務副會長Stephen葉振南都應飲食集團老闆邀請，奉旨擦餐勁。

今次嘅滿漢全席係改良版，喺原有一百零八道菜餚中，選出十五道正斗菜式。當中包括「九如獻瑞」，即以含豐富骨膠原嘅山瑞，加入羊肉、魚肉，夠晒鮮味；「踏雪鱘龍」就以菊花炒鱘龍球，爽口彈牙，另外仲有「崑崙網鮑」等名菜。

Stephen最欣賞係連甜點都好講究，四式甜品全是宮廷小吃，包括牡丹酥、芝麻棗、山楂卷及豌豆黃，配以雕花嘅精緻錦盒，食到賓客舔舔脷。入座前，大會安排貴賓換上金黃色「龍袍」同「太后服」影張相。件袍一笠就掂，葉振南都擺番個Chok樣影相留念。