SUN微博：末日之前：曾為信仰掙扎可以死去

繼續分享末日前必做嘅事。雖然話「乜都唔使撈，就至理想」，但係如果能夠做到自己喜歡嘅工作嘅話，都係一個成就嚟嘅。可惜，香港已經唔再係嗰個可以畀人追逐夢想嘅地方。我哋日日做生做死，就係為咗一餐飯，或者一層樓，仲有幾多人可以堅持自己嘅夢？如果你同屋企人講，你好鍾意音樂，想喺街頭賣唱，你屋企人會點講？大家欣賞消防員，係因為佢哋救人性命，定係薪高糧準有宿舍？

嗱，橫掂末日，不如一齊拋低世俗考量，做想做嘅嘢啦。好似圖中呢位想做護士嘅女孩，使乜理其他人點諗啫。至起碼，感受過呢套天使服嘅重量，比起其他敢諗唔敢做嘅人，已經係同一個境界。