政壇:搞搞政:莫宜端身家清白易申報

正所謂食得鹹魚抵得渴,做得政治任命官員,就預咗要畀公眾拎放大鏡去審視一舉一動,但呢方面對曾做過傳媒人嘅勞工及福利局政治助理Zandra莫宜端毫無難度,佢重返官場做同一個崗位,上任後短短八日就向當局遞交咗申報表,事關佢身家清白,要申報嘅事項五隻手指數得晒,當中最值錢嘅係九龍又一村自住物業,難怪佢可以快人一步交申報。

咪睇呢份申報要填嘅欄目好似唔多,查實細心翻閱時可能有意外收穫,好似呢份申報首次披露Zandra嘅另一半叫做郭耿華,本身做緊助理技術顧問,二人共同擁有九龍又一村自住物業嘅業權,除此以外,Zandra僅申報自己係「三十會」成員。話時話,唔知其他剛上任嘅政治委任官員,會唔會釐清自身各項利益後,盡快向當局提交申報呢?

第一手消息請下載on.cc東方互動iPhone/iPad/Android/Windows Phone Apps

設計圖片及對白