街坊：好驚呀！又殺人！

【本報訊】跨區情殺案震撼整個太和邨，住客再為事件感到心慌慌，對命案議論紛紛。由於案發居和樓數年前曾牽涉劫殺案，甚至肢解等兇殺案，深印居民腦海，有住客直斥案中兇徒「喪心病狂」，並表示：「梗係驚啦！之前都已經試過啦！」亦有少女聞命案後十分驚恐，打算以後要求家人陪伴接送返家。更有住客對接連案件感無奈：「都冇驚唔驚訝啦！都唔知係咪呢個時代係咁！」

居民斥兇徒喪心病狂

育有兩名年幼子女的居和樓住客陳太稱，邨內不時傳出為情爭執的嘈吵聲，有時更有擲物聲，極為恐怖，今次兇徒殺死前女友後再搭車擬殺情敵，她直斥兇徒喪心病狂，並指日後出街必定會拖緊子女：「我點知佢會唔會殺完人！無啦啦殺埋我哋o架！」居於案發樓宇高層單位的林小姐對昨日的兇殺案懵然不知，從記者口中得悉命案後大感錯愕，並記起同一幢樓已非首次發生兇殺案，擔憂稱：「梗係驚啦！之前都已經試過啦！」

姓張住客則表示，自己居於邨內二十多年，亦不時聽聞發生跳樓、傷人及兇殺案等，尤以四年前的女地勤劫殺案及援交少女被肢解案最為深刻，令他十分震驚，但無奈稱：「其實都冇得驚唔驚啦！都唔知係咪依家呢個時代係咁嘅！」

另一名二十餘歲少女聞訊後更頻呼：「好驚呀！唔係吖嘛！又殺人！」並指同類事件頻生，日後若夜歸的話會致電家人接送：「就算我話唔使接！我屋企人都唔肯啦！點知幾時又有人打劫或者遇到變態佬o架！」