次世代生活圈:快樂茹素 世界更好

為何不吃肉?你要贖罪呀?素食者常要面對連串提問。但看到眼前佳餚,人卻少去思考食物從何來?誰說要到中年才會大徹大悟,了解食肉帶來的傷害?一班年輕人決定改變飲食習慣,棄肉從素,早一點去令世界變得更好。

生活在雜食者世界,素食不只是個人決定,亦要向身邊人交代,以期接納。在家,家人要為自己另煮一味菜;在外,人都靠飲飲食食維繫友誼,「打邊爐、燒嘢食,唔食肉,好似真係無朋友。」

年輕人決定素食,大都非因宗教戒條,有人為健康、有人為環保,Adria就因一幅血淋淋的圖片而改變。「製肉工場將動物屍體絞爛,整成粉紅色肉泥膠,再製成炸雞、漢堡扒,原來我哋一直食緊啲咁嘅嘢。」驚見製肉過程恐怖一面,第二天,她就不再吃肉了。

「動物都會痛、會唔開心」

除了肉類,他們亦戒蛋戒奶,用行動抵制不人道的生產。母牛要為市場提供奶水,被迫不斷懷孕;雄性小雞不懂生蛋,剛出世就直接送往機器絞碎,製成肥料。Sandy說:「動物都係生命,同人一樣會痛、會唔開心。」

自覺食素是為地球好、為動物好,素食者卻予人身處道德高地的感覺。Sandy坦言,初食素都想感染其他人,卻容易把食肉或食素說成善惡之分,「你話自己食齋係好,咁即係話我食肉唔好啦。」結果,同枱食飯,餐桌變戰場,引發沒完沒了的爭論。

許多人都知素食好,只欠人推一把。茹素逾十年的「動物仔」,是網上群組「素食青年」發起人,明白素食者的孤單,遂用網絡聚集同路人,一起享受食素樂趣。他亦想更多人思考素食的可能,由多菜少肉做起,或每周一天不吃肉,「我哋唔係聖人,唔係有咩咁偉大,只係好少少,好過咩都唔做。」

第一手消息請下載on.cc東方互動iPhone/iPad/Android/Windows Phone Apps

陳詠賢

Sandy(左起)、動物仔、Adria

誰說食素不長肉?動物仔(左)食素多年,仍然可練出一身肌肉。

Adria(右一)喜歡跟群組成員到素食餐廳食飯,因為終於不用揀飲擇食了!

日本南瓜配以香料烹調,味道香甜。

素食者以多種蔬菜煮出美味炒米粉。