SUN微博：末日之前：憑我徹底的勇氣
是咁的，因為十二月二十一號就係世界末日（好似係），如果明天前隕石降臨，明知逃不掉注定喪生，喺末日之前，大家又有咩想做呢？《Sun微博》一於同大家分享一吓，死之前，到底做咩好。
對於一眾毒男宅女嚟講，雖然聖誕之前已經係末日，但係lonely Christmas嘅氣氛依然會影響佢哋，輕則睡眠失調，重則大小便失禁，食唔安坐唔落。
唔少巴絲做咗成廿幾年人，每年都希望聖誕老人會賜佢一個壯男/索女，至少，拖吓手仔都好吖。所以，末日前必須做嘅事之一，就係一拖男神/女神嘅手嘞！講真，橫掂一鑊熟，就算衰咗都無咩啫，係咪？各位巴絲，go go go啦！
