政壇：龍應台從政評論收晒火
曾喺香港居住九年嘅知名作家、台灣文化部部長龍應台，今年二月離港返台後，尋日再度重返香江，為光華主辦嘅「台灣月」文化活動打氣，吸引各界好友到場相聚，佢形容當時臨時決定返台太匆忙，感覺好似晾喺露台嘅衫仲未收，認真識講嘢。
龍應台亦會出席本周末喺香港大學舉辦嘅演講。佢喺港大教書八年，當年港大為佢專設寫作室，才女話永遠感激在心。有人問佢有冇觀察到中港矛盾、反國民教育等議題，佢不假思索話梗係有觀察啦，但依家唔係作家，講嘢代表政府，唔可以立亂發表意見。令到想聽龍應台「辣妹」風格評論嘅粉絲們不免失望喇！
