政壇:黃偉雄助病人廉價洗腎

專業及資深行政人員協會副會長Addy黃偉雄,早前牽頭喺灣仔成立一間洗腎中心,以低廉價錢為腎衰竭患者提供洗血服務。咁熱心,唔少人都誤會佢有腎病,佢笑言身體好健康,只係體恤病人之苦,因為佢見過有員工傾家蕩產為家人籌錢洗腎,深受感動。

中心開張經費要成六百萬元,擔任中心榮譽主席嘅Addy唔肯講出咗幾多錢,只強調多得各方善長合力,先籌到筆錢,嚟緊會繼續科水支持病友嘅「資助洗腎計劃」。咁善心,一對仔女都現身打氣。

原來佢大仔喺加國學成歸來,依家從事金融業,而細女就喺倫敦著名時裝設計學院畢業,鍾意室內設計。

第一手消息請下載on.cc東方互動iPhone/iPad/Android/Windows Phone Apps

黃偉雄(中)出錢出力搞洗腎中心,囝囝黃雲鍵(左)同囡囡黃澧婷(右)齊打氣。