唔打唔知女兒身

【本報訊】烏龍夜青錯打「女兒身」！一對以「男仔頭」打扮的女學生，前晚途經荃灣街頭，被擦身而過青年蓄意碰撞，事主怒睥對方，該青年反怒目相向，事主恐節外生枝轉身離開，豈料對方「吹雞」召來五漢，不由分說毆打她們，當兩事主嬌聲呼叫時，群漢始知兩人是「女兒身」，慌忙停手逃去，兩女報警送院驗傷時，曾由警員向她們問話：「介唔介意問吓你哋係男定係女？」令兩人感到尷尬，警方懷疑兇徒以為她是「他」點錯相所致。

兩名遇襲少女分別姓李及姓楊（均十八歲），屬同學關係，分別居住荃灣及天水圍，兩人喜愛以男性化打扮，均蓄短髮及穿着中性化衣着，其中一人戴眼鏡。據悉，前晚十一時許，兩女途經海壩街，一名陌生青年迎面而至，當擦身而過時，李女被對方蓄意碰撞肩膊，且若無其事前行，李女即回頭望向對方，惟該名青年更怒目相向，雙方「眼超超」互望後，兩女不願節外生枝離開。

警員尷尬查問性別

但她們只行了幾步，突然有另外五名青年從旁閃出，將兩人截停，不由分說便毆打她們，當事主大嗌救命時，六漢被嬌聲嚇窒，即收手分頭逃去。兩女分別面、前額及腳部受傷，即報警求助送院，其中一名傷者在醫院慨嘆：「我咁大個女都係第一次畀人打，真係黑仔！」

兩女在醫院錄取口供時，有警員向李女問：「你有冇留意撞到你嘅人有冇對你淫笑？」李女稱：「當時曾回頭望對方，但睇唔清楚對方有冇淫笑。」其後，另有警員趕到醫院調查，疑因看見兩女打扮男性化，曾問：「介唔介意問吓你哋係男定係女？」由於事主均表示不認識兇徒，但認得個別兇徒容貌，警方不排該批夜青點錯相所致。