SUN微博：黐筋網相：下跪男「真漢子」
網上流傳一張「巴打」為咗向人認錯，自拍跪低、抆耳仔嘅相畀人上載上網。睇番上載者嘅行文語氣，似係「絲打」同男友打情罵俏居多，所以唔少網友就覺得嗰位「巴打」有失男人尊嚴，所謂男兒膝下有黃金，真係「港男之恥」喎！雖然話係咁講，但喺嗰位仁兄嘅心中，想法就可能同大家有出入。佢會諗身為「真漢子」，小至「唔記得同人講自己去咗邊」嘅錯，都要勇於承擔，所以就算要下跪認錯，都要二話不說即刻做。
「巴打」亦可能係為咗未來打算，雖然男兒膝下有黃金，但係俗語都有講怕老婆會發達，發咗達買幾多黃金都得喇。呢種忍辱負重嘅精神，真係可以同勾踐嘅臥薪嘗膽媲美。做男人做到咁，小編都無嘢好講喇！
