SUN微博：瘋語同露：「連影印機都壞埋」－盛品儒
儒儒話，當年魔童離開亞視嘅時候，將機密資料一車車咁車走，仲連部影印機都整壞埋，依家用嗰啲資料砌咗份proposal出嚟申牌，對亞視好唔公平喎。繼公仔之後，估唔到依家連影印機都畀人擺埋上枱。
首先，以亞視咁樣「六四開」嘅質素，如果魔童真係拎嚟參考，城電嘅前景都好唔樂觀啫。仲有吖，你話人哋整壞部機，咁唔該拎部死機出嚟證明吓，至少都show張相吖。
所謂無圖無真相，你話你日日影印自己條底褲都得o架啦！不孝有三，無圖為大吖！不孝子！
小編當堂諗番起星爺名作《國產凌凌漆》入面，畀人屈偷睇國防機密嘅盲人。似乎根正苗紅嘅亞視，對於某啲政府嘅某啲手法，都學得好足吓。
