工人捱到傷頸脊寧賺少啲陪家人

【本報訊】「如果工資同工時合理，寧願賺少啲，賺番健康同陪屋企人嘅時間！」三十九歲的陳家駒因工時長造成頸和脊椎勞損，正放取工傷病假，他慨嘆工資低，雖合約列明九小時工作，但為餬口「返十二個鐘係不成文規定」，故他贊成標準工時立法。

候命呆等無錢收

陳家駒在貨櫃碼頭負責操作「龍門式吊機」，他指合約雖列明每日工作九小時連一小時用膳時間，但其實外判公司一直硬性規定每更工時為十二小時，連同超時補薪每日日薪約七百元，「公司為咗縮皮就三更變兩更，但因為工資低，好多人都要靠O.T.（超時工作）嗰三個鐘幫補收入！」他指每月雖有三至四天休假，但公司設有「候命更」，若下午二時半前未有接獲通知要上班，便可繼續休息，「即使Standby（候命）都係要等，又無錢！」

每日需在高處控制吊起貨櫃進行裝卸，長期長時間工作最終導致頸和脊椎勞損，加上每日十二小時工作，陪伴家人時間不多。他贊成立法規管標準工時，「好似我依家咁，有合約都無用，返十二個鐘係不成文規定」，即使要超時工作都應是自願性質。