SUN熱辣：人仔仲會漲儲定傍身
港幣兌人民幣近月曾跌破八算。經濟專家指，港人一向精打細算，回流本港屬意料之內。由於人民幣升勢持續，建議市民將港幣兌換人民幣，儲定「人仔」傍身。
中文大學酒店及旅遊管理學院會計與財務高級講師李兆波指，居住內地的港人選擇回流，完全合乎經濟原則，「內地消費絕對唔便宜，加上香港生活質素好，又有好多配套，所以吸引佢哋回流。」他建議市民儲定「人仔」，「長遠嚟講，估計人民幣匯率仍有上升空間。」
浸會大學經濟學系副教授巫伯雄表示，人民幣升值，不但與中國經濟實力提升、貿易盈餘增加有關，當中更具政治因素，「人民幣匯率問題，近年成為國際焦點，由於歐、美經濟差，認為人民幣升值有助刺激歐美出口同埋改善貿易逆差，但中國政府一直拒絕大幅升值，但又唔想發生貿易摩擦，所以控制人民幣嘅升值速度。」
李兆波預料會有更多居住內地的港人回流。（資料圖片）