SUN熱辣：深消費熱點港客大減
「人仔」匯率持續高企，嚇走不少愛北上消遣的港人。記者日前在深圳巡視多個港人消費熱點，包括足浴店及食肆，發現惠顧的港人數目大幅減少。多名負責人表示，來自港人的生意大減逾三成，艱苦。
「幾年前，生意好好o架，港人消費好闊綽，畀好多貼士，但近年愈嚟愈少。」在福田一間足浴店任職的李部長表示，該店開業六年，近六成生意來自港客。近日港客減少，只能維持原價「拉客」，「物價上升，我哋都唔敢加價，希望至少留得住班熟客。」至於食肆生意也大受影響，附近的一間餐廳負責人林先生也透露，最近北上消費的港客還會「講價」，「佢哋見到個餐牌，就話啲嘢好貴！」
經常北上消費的港人陳先生坦言，寧願留港消費，「以前返內地按摩，就算計埋車費，都平過香港。依家兩邊只係相差幾十蚊港幣，點解我仲要咁辛苦撲上去！」
李部長表示，足浴店為求留客，成本上升也不敢加價。