SUN世代：小朋友由坐唔定變專注
學棋有助改善思維，令人變得更集中、有耐性，故近年深受家長歡迎。林承源就見證過不少學生的轉變，令他深感欣慰，「有啲小朋友本身坐唔定，成日走嚟走去，但學棋之後，就專注咗好多；亦都有學生唔識面對挑戰，透過學棋學識點處理失敗。作為老師，最開心嘅，就係見到學生一步步變好。」
捉棋好處多多，但別以為報讀棋藝課程的，都是十歲八歲的小學生，林承源笑言其學生的年齡層，由三歲至四十歲都有，「以前教棋嘅學校、老師都好少，好多人想學都無渠道學。依家學棋變得普遍，間中就會有三、四十歲嘅返工一族，放工之後嚟學棋，算係一圓細個嘅夢想！」
林承源去年到新加坡旅行，順道觀賞一級方程式賽事。（受訪者提供）