SUN微博：黐筋網相：阿寶：「我累鳥」

「也許相愛很難，就難在其實雙方各有各寄望怎麼辦」，「期望你太多，注定難過」，唔好成日話香港流行曲唔掂，佢哋真係唱出好多港女嘅心聲o架。嗱，就好似呢位自稱老師嘅港女，佢因為男友送完個幾千蚊嘅手袋畀佢之後竟然同人訴苦，怒從心起，於是就喺fb教訓男友，等佢知道要「有啲」gentlemen，就要大大方方咁送禮，唔好多多意見。講真吖，其實佢已經好偉大o架啦，又唔介意男友搵錢少過佢（從佢喺fb公開話男友搵錢少，可見佢真係唔在意），只不過係要人哋預咗同佢一齊要送禮要使錢啫，佢男友咁都做唔到，難怪佢失望嘅。對於呢位小姐，小編有兩個忠告。第一，快啲飛咗你男友，佢配你唔起。亦都唔好喺香港搵新男友嘞，費事你日日「載」（戴）住副有色眼鏡啦。第二，快啲del post del fb ac，唔係一陣又畀人起底，阿寶真係好累好累，畀佢抖吓啦。