政壇：政商定格：商場獻技噪音考起郎朗
「鋼琴王子」郎朗尋日喺一間商場獻技，彈奏兩首蕭邦名曲兼舉行佢嘅新鋼琴大碟簽名會。可惜星期日商場人流太多，加上郎朗嘅魅力逼人，搞到場面混亂又嘈吵，悅耳嘅鋼琴聲終被場內人聲淹沒，真係大嘥到極。好在見慣大場面嘅郎朗表現專業，冇因為咁而影響表現。
尋日活動上，大會安排咗兩位郎朗嘅小粉絲上台彈琴，邀請郎朗畀啲意見。其中年約十歲嘅男童彈得特別出色，郎朗毫不吝嗇佢嘅讚美，仲豎起手指公話，喺商場咁嘅環境都彈得咁好，確係難得。佢坦言喺商場彈琴同演奏廳環境好唔同，有時佢喺商場嘅台上彈彈吓，都好似淨係聽到觀眾嘅對話咁。
郎朗（左）同小粉絲喺台上交流琴技，更獲熱情粉絲獻花。