政壇：政商定格：廠商會考察越南搵商機
港商進軍東南亞發展成新趨勢。廠商會副會長兼香港品牌發展局主席陳淑玲同常務會董Simon黃家和帶隊考察越南，發掘投資商機。
四十名團友先到河內，再趕往九十公里外嘅寧平省，小休片刻，馬上同當地領導同九十間企業代表打招呼，了解越南營商實況。香港人咁遠嚟到，越南政府出動高官接待，夜晚食飯時，一位投資規劃部部長更獻唱一曲娛賓，台風歌喉十足歌星，Simon笑言，睇怕香港高官以後都要勤練歌喉嘞！
翌日佢哋又參觀越南工業園，走訪汽車零件廠、化肥廠及物流公司，忙咗一個上晝，下晝終於抖抖。眾人拉隊去長安旅遊區划船參觀溶洞，團友變身大細路，分成十艘小艇喺湖上比賽，大叫過癮。
黃家和（左）與陳淑玲（中）帶隊到越南考察尋覓商機。（受訪者提供）
四十名團友泛舟湖上比賽划船，緊張刺激。（受訪者提供）