SUN微博：Sun畸事：九死未驚過
「為了追求真理，即使死九次也不後悔」－ 溫家寶
「中國影帝」溫家寶寶演技之妙，猶如庖丁解牛，游刃有餘，一句仿屈原嘅名句語出驚人，甚至連一代忠臣屈原都出現喺溫家寶寶面前……
屈原︰「亦余心之所善兮，雖九死其猶未悔。」你一介戲子，都敢學我？
溫家寶寶︰我援引你名句，都係表達自己嘅真理啫！
屈原︰你有咩真理咁巴閉，竟敢同我比肩？
溫家寶寶︰我醉心於演戲，我就係全國人民都知嘅專業戲子，咩都唔使做，淨係要識做戲！
屈原︰豈有此理，仲喺度大言不慚，取你狗命！
溫家寶寶︰我同你講，你依家企到喺度，都全靠我。
屈原︰狗屁！
溫家寶寶︰我用精湛嘅演技，演活出喃嘸師傅幫人破地獄嘅情形，你先可以見到我。喺你之前，我已經演咗八次，所以為咗演戲，我死九次都未驚過。
