龍年快「截龍」，中華廠商聯合會會董兼家得路執董陳家偉及太太Canace就衝龍門成功，陳太前晚八點幾鐘喺養和醫院生咗一對龍鳳胎，家姐Leah重五磅十三安士，細佬Zachariah就有四磅八安士重，首次升格做爸爸嘅Calvin好雀躍。
Calvin事前已聽過好多已為人父嘅朋友描述產房情況，當晚陪產都有心理準備，醫生臨時決定剖腹生產時，佢都全程陪伴，仲帶埋音響播放音樂畀太太聽，更出動相機、智能手機不停記錄，直至見證一對心肝寶貝誕生。
陳家偉暫別公開活動，專心照顧太太及一對心肝寶貝。（受訪者提供）
