SUN熱辣：婚攝公司：冇車到另覓取景地

禁止車輛於假日進入建議一出，即引起各方批評，而經常到南生圍拍攝婚紗照的婚攝公司，更指要將南生圍剔除拍攝景點之外，免得新人頻撲。

假日常駕車到南生圍的林先生表示，若禁車令實施，會放棄再去南生圍遊樂：「無得揸車入，我一定唔嚟南生圍，就算個景幾靚都吸引唔到我。」

婚攝界亦不支持禁車，「香港特色景點唔多，南生圍好靚，有樹林、有河，個感覺好似台灣，好多新人鍾意去嗰度影婚紗相！」芝柏婚禮殿堂總經理石淑華表示，南生圍是香港著名的婚攝取景地，不少客人喜歡到此拍攝婚紗相，為方便新人通常會駕車入內，若禁車會造成不便：「無理由叫對新人行幾公里路去影相o架！」

元朗區議員鄺俊宇亦稱，近日收到多名南生圍的居民反映，擔心禁車會造成不便，「連居民都唔可以揸車入，係咪要行返屋企？」

不過運輸署封路建議亦有人贊成，常前往南生圍踩單車的周小姐指每逢假日，通往南生圍道路都塞滿私家車，加上路窄，對踩單車人士非常危險，如果只容單車駛入，則可保障踩單車人士安全。