SUN微博：Sun畸事：濠江風雲

經過正義傳媒報道之後，濠江風雲掀起新波瀾，五個神秘陰影逐漸逼近，究竟他們是敵是友？諗到呢度，久經風浪的貪曾雖然食緊鮑魚，不禁心頭一震，嚇到要抹抹冷汗。為咗解決呢個心結，貪曾急急叫兩位「曾朋友」大瘤同班主出嚟傾傾，為呢場大戰做好準備……

大瘤︰我哋喺濠江嗰邊，形勢已經唔好，依家仲嚟多五個身份不明嘅人，點算？

班主︰死梗喇，我同你已經招惹咗檢察院，嗰五位仁兄會唔會乘機踩我哋一腳？

貪曾︰無事嘅，我相識滿天下。

大瘤︰但係我哋周身屎，親人都變仇人，即刻走喇！

貪曾︰我同你講，我無嘢叻，就係鮑魚多，有人可以敵過鮑魚誘惑，唔做「曾朋友」咩？

大瘤︰唔食你啲鮑魚，都會想食你啲肥雞喇！

貪曾︰#$^&##$&$*%

班主︰咦，嗰五個神秘陰影行近嚟喎！

貪曾︰你哋講咩陰影呀？嗰五條友咪又係自己友！