政壇：政商定格：梁福元娶新抱南瓜車穿梭
十八鄉鄉事委員會主席梁福元前日新翁之喜，兒子Jason梁明堅迎娶貌似華姐冠軍苟芸慧嘅Alice，喺旗下元朗大棠生態園林酒家筵開四百席盆菜宴，期間梁福元仲出動埋最新由澳洲一間馬車公司引進荔枝山莊嘅英式南瓜形馬車，載住一對新人穿梭大棠屋企、祠堂同酒家。
呢場王族式婚禮確係夠晒排場，難怪開支高達七位數字喇，當晚唔少親朋戚友到場恭賀。
作為新翁嘅梁福元相當高興，全晚滿場飛答謝賓客。期間Jason更高歌一曲答謝爸爸養育之恩，梁福元聽到梗係冧到爆啦。
梁福元以英式南瓜馬車載住一對新人穿梭大棠屋企、祠堂同酒家。（陳德賢攝）
梁福元（右八）兒子梁明堅結婚，全家好開心。（受訪者提供）