SUN世代：變身記者著書籌款
十個港人，有九個都喜歡去旅行，偏偏黃至生是第十個。「我好靜到不得了，真係好少去旅行，我平時鍾意文字工作。」從醫以來，他除寫下無數學術論文和為報章撰文外，更出版書籍，一嘗做記者滋味！
「○五年我訪問咗十三位城中名人，將佢哋嘅成功秘訣，寫成一本叫做《奔向天國的階梯》嘅書，係非賣品，為基督教牧愛會籌款。」後來他再接再厲，為籌款再次執筆，訪問十多位商界、社福界及體育界的領袖，講述他們的成功及失敗經歷，為再生會籌款，書本於今年七月發行：「故事同再生勇士都好類似！嚟緊又有再生勇士選舉，希望大家可以提名多啲合適嘅人！」身為十大再生勇士選舉籌委會主席，他不忘宣傳一番，出心又出力！
黃至生(前左二)參與義工工作，認識不少同道中人。