SUN微博：打橫嚟講：好睇過葉子楣跳繩

八十年代，係香港最歡樂的時期，坊間一片喜氣洋洋，搵錢容易，使錢大方，魚翅撈飯當平常，主因，係呢度是一個充滿希望的地方。

那時候，香港人唔單只心情愉快，創意高昂，而且，言論仲係自由到不得了，報章意見左中右俱存，思想開放，人們的分析力和獨立思考力比今天強幾百倍，兼且好玩得多。嗱！好似一句「葉子楣跳繩」，已叫人樂得半天矣！

何謂「葉子楣跳繩」呢？

那是港式的歇後語，後句為：「一波未平一波又起」也！此乃源自於葉子楣是香港影視界肉彈中，最巨胸的「波霸」，由佢示範「跳繩」（「跑步」都得，效果一樣），點會有平靜的一刻？

香港政府內部，有位仁兄，由未上任至捱到今日，都係「葉子楣跳繩」，真是波波高潮，未有平復過，電視連續劇也無咁緊扣，佢就係發展局局長波哥嘞！從佢被人揭發劏房到酒後駕駛，到依家，又被揭涉隱瞞利益，還遭人到老廉投訴，真係「一波未平一波又起」！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot