SUN微博：少膽虫手記：新聞操守算係乜？

好多年前，少膽虫啱啱入行時，有一位老行尊對我說過：「唔錯就唔係報紙。」呢句說話，少膽虫一直銘記於心。因此，讀者經常見到《爛果》和《喪報》錯漏百出，其實好正常。

好像昨日，《爛果》和《喪報》刊出了一單脫北美女野人的新聞，經查證後，發現原來只是劇照，所謂深山脫北者，只是網上的假新聞。少膽虫得知後已心知不妙，須知求證係做新聞最基本嘅工作，如果只是一則簡訊，得過且過，也還罷了，但偏偏少膽虫本着「錯唔緊要，最緊要好笑」的硬道理，做了個上九平頭條，認真對待假新聞，徹底fail。今早上班，淫黎宣召少膽虫入房，心諗唔通要炒？勢估唔到，淫黎拍拍少膽虫膊頭，大讚：「做得好！假新聞有乜所謂，新聞操守算係乜？我哋不嬲都亂作o架啦。最緊要讀者睇得開心！」

最後，淫黎不但無處罰相關同事，仲人人有人工加。再一次證明，淫黎真係一個成功嘅生意人，老細真係我哋最好嘅老細！