SUN微博:SUN畸事:貪曾自拆「祠堂」
薄扶林譚雅士大宅嘅保育計劃,就係因為貪曾政府議而不簽,面臨難產,好哋哋嘅古宅分分鐘要變成豪宅,慘烈程度猶如遭人拆祠堂。有立會議員不齒貪曾嘅所作所為,義憤怒斥,就喺一片謾罵聲之中,貪曾娓娓道出一段悽慘嘅往事……
王國輕︰譚雅士大宅咁珍貴,點解你唔好好做保育呢?乜你好鍾意幫人哋「絕育」嘅咩?
貪曾︰嗚嗚嗚……你知唔知我好痛苦!唔拆會觸及我嘅心靈創傷!
王國輕︰你有咩心靈創傷咁慘,你嘅行為幾近要拆人祠堂!
貪曾︰係又點,我連自己嘅「祠堂」都拆得,古宅算係啲乜?