政壇：政商定格：會計師公會CEO出招開源
會計師公會行政總裁嘅丁偉銓上場半年就有新動作。話說佢月初向會員發通知，話公會截至今年6月底年度，錄得赤字810萬元，為免儲備減少，決定由明年起上調公會各項收費，好似會員年費咁，由2,350元加到2,450元，加幅4.25%；會員首次登記費加幅更勁，由2,800元加到3,100元，加幅高達10.7%。除咗會費外，考試費都加！
丁偉銓向會員解釋，赤字由多個因素造成，好似為咗加強佢哋嘅專業資格課程（QP）而進行一連串活動，又要向內地推廣QP等。佢仲話公會必須作出行動避免跌入結構性赤字，因此公會理事會決定加費。管理層亦會做架構檢討，確保人手有效運用。
丁偉銓話會計師公會嘅赤字由多個因素造成。（資料圖片）