政壇：政商定格：各界同撐「三十會」9周年
智庫「三十會」尋日舉行成立九周年活動，叫得智庫就跨越黨派之爭，所以無論係「梁營」核心人物行政會議成員張震遠同羅范椒芬、昔日「唐營」中人好似胡定旭，以至泛民多名立法會議員都有出席，加上至少六名會參加港區人大代表換屆選舉嘅政界人士都「滿場飛」疑似拉票，現場可謂水洩不通。
○三年成立嘅「三十會」尋日喺中環某咖啡店舉行周年活動，政商界好多重量級人物都出席，好似政務司司長林鄭月娥、中央政策組顧問王卓祺和高靜芝，以及多名副局長、政治助理都有出席同各界「打交道」。
剛由公務員體系轉入問責行列嘅教育局副局長楊潤雄，甫現身就同觀塘區議會主席陳振彬傾唔停。對於前晚經過長達五小時才達成中一減派方案，佢話最緊要大家傾得掂。
林鄭月娥（左六）都撐三十會，嚟咖啡店飲番杯。