SUN熱辣：iPad mini內地熱炒

除貴價海鮮受到內地人歡迎外，高科技產品在內地亦一樣有價有市，所以每逢有新產品在港推出，都吸引大批水貨客在街頭擺檔收買。

旺角亞皆老街及西洋菜南街交界，是一眾水貨客擺檔收購電子產品地點。近日iPad mini在港推出後，擺檔的水貨客人數更激增，手持「高價收購」紙牌等客上門。記者上前問價，一名水貨客說：「今日已經收咗二十幾部，準備運返深圳，你想賣就快啲！」

水客遊客爭執

記者在街頭觀察期間，旁邊突傳來激烈爭吵聲。「敢做唔敢認，唔賠錢又唔道歉，你大晒呀？」一水貨客情緒失控，怒斥一名內地遊客，又意圖向他揮拳，警員上前調停。水貨客說：「佢走嚟夾硬攞去睇，仲要整跌，我要佢賠，佢唔肯！我哋係收機，唔係賣機。」他續稱：「唔好以為香港人好蝦！」最終經警員調停下，有人願意賠錢解決。

本港電子產品商店負責人劉志剛表示，雖然iPad mini炒價不及蘋果以往產品，但仍有不少內地人鍾愛。