話說貪曾當年咩都貪一餐，居然連武功秘笈都貪到本。佢急不及待打開，見到第一頁寫住：「欲練神功，揮刀自宮。」雖然唔捨得，但係諗到自己仇家多，為咗練成神功自保，於是一咬牙，猛一揮刀，就此去勢。
傷口都唔得閒理，已經拿拿臨揭去下一頁，原來寫住：「若不自宮，也能成功。」貪曾雙眼反白，用僅餘力氣再揭落去，見到寫住：「若要成功，不要自宮。」即時口吐白沫暈低。
講完呢段往事，貪曾即刻土匪上身，豪氣大喝：「祠堂我都拆得，古宅算係乜！」