政壇：政商定格：趙樓神獲母校頒博士銜
浸會大學尋日頒授榮譽博士學位畀人稱「趙樓神」嘅長江實業執行董事趙國雄、國學大師饒宗頤及其徒弟、SML集團主席Simon孫少文等五人。曾喺七十年代做過浸大校友嘅趙樓神話，浸大歷來好少頒授榮譽畀自己友，佢係第三個，對校友可謂一大鼓勵，等自己有多啲機會回饋母校。
趙樓神話雖然佢只係喺當時嘅浸會書院修讀咗兩年社會學，但學到嘅嘢就好有用。話說當年香港搞緊學運，咁啱學校搵咗一批思想開放嘅美國學者授課，擴闊咗佢嘅多角度思維，培養佢敢於創新嘅性格。佢笑稱依家出嚟做嘢，遇到刺激嘅事物都較易接受，仲話連賣樓都可以好激喎！
趙國雄話咁大個仔第一次獲頒榮譽博士，風騷舉起勝利手勢。