政壇：施榮懷率港品牌賺人仔
中華廠商聯合會會長Irons施榮懷瞄準商機，明年四月底將攻入廈門搞香港品牌節，逾百香江品牌響應，齊齊北上賺人仔。搶攻廈門，Irons同展覽服務有限公司主席Jimmy吳永嘉係專家，呢兩位沙煲兄弟都係福建人，對閩南同胞口味特別有心得。
Irons話由廈門、漳州及泉州組成嘅「閩南金三角」，人口閒閒哋一千四百萬，消費力驚人，港商食到呢條水，認真肥仔。當中又以高檔電子產品、港式麵食、點心、奶茶等最受歡迎。佢又醒港商賣嘢要標榜安全、衞生、高質素，千祈唔好抱住散平貨心態。
施榮懷（左）同吳永嘉（中）率領香江品牌搶攻廈門，右為黃家和。
