政壇：中醫界票后選港區人大
港區全國人大代表換屆選舉快將接受報名，最新曝光嘅係香港註冊中醫學會會長馮玖，佢上周初突向部分選舉團成員發出短訊，自爆喺中醫同業同好友支持鼓勵下，計劃參加人大選舉，希望得到大家支持同提名。
事實上，馮玖喺業界江湖地位十足，好似喺去年特首選舉委員會中醫界別，佢以過一千三百票當選「票后」，另外最近佢又獲政府委任為中醫藥發展委員會籌備小組成員。
但有政界中人話，佢要參選睇怕最急須要提升知名度，因為據聞有部分人淨係睇佢個名，都分唔到究竟佢係男定女，所以索性叫佢「馮醫師」避免出錯。
