網民人肉緝兇逼警迅速行動

【本報訊】「真係好欣慰，估唔到警方咁快破案，希望小貓可以安息！」目擊事發經過及將小貓吐血照片上載facebook的麥先生指，當晚其照片獲網民瘋傳，展開「人肉緝兇」之餘，網友的言論及行動亦間接向警方施壓，令到警方迅速破案。

「好少咁大陣仗」

截至昨晚，網上群組「關注順天邨4男1女虐貓事件」有逾四千名網民關注，網民獲知其中兩名疑犯被捕後紛紛留言讚好，坦言：「希望警方盡快捉晒五個人渣，一個都唔好放過，他們應該受到應有報應……一定要拉佢哋去坐監！」另有人說：「好少有警察會咁快又咁大陣仗為咗呢啲事做嘢，網絡力量真係愈來愈大影響。」

與涉案疑犯為鄰的陳太稱，想不到鄰居會做出這樣殘忍的事，流浪貓雖有時會踢翻門口香爐及四處便溺，但罪不至死，冀警方可將其他疑犯一併拘捕。而姓謝女邨民指她曾為警方認人，但並不認識疑犯，對疑犯迅速被捕感到高興。