SUN微博：黐筋網相：[狂賀]atv係得嘅！
王征日前大跳走樣《江南Style》，仲話友台同啞視收視已呈六四開，惹來二千宗投訴，投訴人隨時多過觀眾，真係冇陰功！究竟係四成人收看啞視定係四個成人收看啞視呢，大家應該心裏有數。好嘞，有心水清嘅網民為啞視抱不平，仲搵出啞視粉絲多過友台嘅有力證據！原來，atv嘅facebook累積近86萬個like，而友台只係49萬個like，以like嚟講呢，嗚哇！真係六四開！係atv六，友台四添呀！真係開心大發現呀！
或者有人問，點解fb張相唔係唯一台柱陳仔泰嘅？冇錯，呢個係土耳其atv！唔係啞視（得5400個like），同名都可叨下光吖！atv係得嘅！
