政壇：港區人大力保名單瘋傳
今屆港區全國人大選舉競爭激烈，最近政圈盛傳一份五人力保名單，分別係九龍社團聯會代表陳振彬、新界社團聯會代表陳勇、港島各界聯合會理事長蔡毅同南旋集團主席王庭聰，加上按慣例參選並力保當選嘅中聯辦代表。有分析指佢哋嘅共通點都係所屬團體嘅接棒者，但係知名度稍遜需扶持一把。
有熟悉政情人士形容，倘若呢份五人力保名單屬實，加上幾名競爭力極強嘅疑似參選人，包括盛傳獲鼓勵參選嘅保安局前局長李少光、中華廠商聯合會前會長黃友嘉等人，剩低嘅空缺真係五隻手指數得晒，難怪「愛國歌手」張明敏等人遭有關方面勸退嘅聲音陸續傳出。至於其他未講明會參選嘅人士，就更加唔使旨意有機會喇。