政壇：政商定格：名人爭泵水齊助小母牛
協助內地農民飼養牛羊脫貧嘅國際小母牛香港分會前晚舉行周年慈善籌款晚宴，主席梁錦松、董事葉澍堃（Stephen）及身為籌委會主席嘅「快勞夾大王」杜振源（Simon）落力「吸水」，最終拍賣品喺半小時內火速清倉，籌得三百三十七萬多元善款。
席間有傳會參選全國港區人大代表嘅南旋集團主席王庭聰割愛，捐出國學大師饒宗頤墨寶《上善若水》拍賣，反應好踴躍。
王庭聰見大家咁有心，就應承若然大家再捐三十萬元，佢會請饒老再寫番張一模一樣嘅字畫，如果交唔出幅畫，佢就賠番一百二十萬元畀大家喎。
葉澍堃（左起）、梁錦松及杜振源都為小母牛香港分會落力「吸水」。
饒宗頤墨寶《上善若水》，為小母牛籌得九十萬元善款。