政壇:澳門君悅慶生重現老上海
啱啱獲「Business Traveller China」《商旅》讀者評選再蟬聯「澳門最佳商旅酒店」嘅澳門君悅酒店,尋晚喺澳門新濠天地舉行「上海1930」懷舊晚宴慶賀成立三周年,超過三百五十位賓客捧場,唔少人着旗袍或洋服,伴着悠揚嘅爵士樂曲,好似重返上世紀三十年代嘅上海灘,眾人玩得好盡興。
澳門君悅係新濠天地旗下嘅旗艦娛樂項目,今年度已獲九項業界權威大獎。澳門君悅酒店總經理郭世傑話,為咗追求新鮮及創意,令賓客留下美好回憶,今次特別辦以老上海為題嘅盛會,貫徹酒店一貫嘅典雅風範。