SUN世代：「絕對係媽媽功勞」
「要栽培一個神童好難，因為唔敢浪費佢嘅才華！」李偉安走在台上，獲選本年度傑青，不但為自己放下包袱，亦令台下的媽媽終能鬆一口氣，「總算無浪費上天畀咗咁好嘅天賦佢！」
回想過去近三十年「神童」生涯，李偉安對媽媽給予的包容、體諒感激萬分，「佢從來無畀過任何壓力我！細細個就教我要一步一步嚟，凡事謙卑；又有畀足夠自由度我自己發展，我有今日嘅成就，絕對係媽媽嘅功勞！」
養兒方知父母恩，今天的李偉安，已育有一子一女，加上見過不少學童被迫學音樂的「慘況」，他笑言，不會刻意讓子女「承父業」，會讓他們自由發展自己的興趣，「雖然囝囝囡囡對琴聲都好有興趣，但都會畀佢哋試吓其他嘢，例如畫畫、運動，睇吓佢哋鍾意邊樣多啲！」
已為人父的李偉安，坦言不會逼子女「承父業」。