SUN微博：打橫嚟講：好大喜功的小矮人

平生最瞧不起那些辦事弱能，卻愛自吹自擂的低能兒，尤其公營機構內的管理層，有威就撲出來搶住認，有鑊氣呢？不是龜縮唔蒲頭，就係卸畀下邊的前線員工去受，真值得我哋鄙視此等矮人三截的高層。

報載，香港貿易發展局「自爆」，宣稱十至十一月舉辦的八項展覽，為香港創造近十四億港元收入喎！

哼！咁都可以食住上攞彩？就拿書展作例吖！每年有近百萬人入場，只因為有好作者、好作品，同愛看書的群眾，加埋被迫畀貴租的參展商砌出來的成果！並非只顧出租場地的貿發局之功勞呀！求其搵第二個搞，肯定好過佢！

虧那個貿發局副總裁周啟良沾沾自滿的說：「香港擁有世界一流的展覽和商貿服務，我們有信心香港的展覽仍是他們的首選。」好厚的面皮，咁都講得出！早前，那個「秋季燈飾展」舉行時，天花板漏電（一個自詡國際級展覽場，居然會漏電！哈哈！）導致火災。事後，再開檔時，有參展商見枱櫈全毀，叫會展更換，貿發局的回覆是「這不是『人為』火災，無得賠償，要新枱櫈用，可計錢，逐日租」，各位，你哋話啦！咁係乜嘢管理？乜嘢世界呀？一流？真想死！

香港貿發局成立的原先宗旨係匡扶香港中小企業的，但現今「亞視化」，除了愛自我面上貼金之外，仲「強積金化」，唔理事實，PK，一切着數就袋落高層個袋裏！鄙視佢哋囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot