政壇：政商定格：趙善銓名錶喻銀行定位
隨着內地財富急速增長，好多私人銀行都想吸納中國客戶，瑞士盈豐銀行亞太區行政總裁Albert趙善銓就分享佢嘅見聞。佢話喺八十年代，去瑞士開私人銀行戶口嘅好多都係日本人，當時男人去開銀行開戶，老婆就去打Botox，依家去瑞士開戶嘅，就以內地人居多，唔知中國女人有無日本女人咁愛美呢？
瑞士盈豐銀行係一間純私人銀行，喺香港宣傳唔算多，Albert解釋話，佢哋嘅客戶大部分都係由現有客戶轉介，知道客戶資金唔係黑錢，會安心啲喎！
對於銀行知名度唔高，Albert就以手錶做比喻：「大部分名錶價錢都好貴，但係有啲唔出名嘅手錶，都可以賣到幾十萬，我哋銀行睇準呢個市場定位，致力做間穩健保守嘅私人銀行。」
趙善銓話去瑞士開戶嘅以內地人居多。（資料圖片）