政壇：政商定格：馬露明生仔隨緣無壓力
商務及經濟發展局前局長馬時亨大女Christine馬露明已結婚一段時間，但就未見佢提生兒育女問題，日前佢出席糖尿病推廣活動時，記者問佢會否考慮生番個小朋友玩吓，佢就好怕醜答話：「我自己都好鍾意小朋友！」咁講唔通有聲氣？講到幾時造人，Christine同佢爸爸肥亨一樣，話要等神嘅安排，而家人都冇畀壓力。
Christine喺○九年一手創辦嘅德育學校JEMS Learning House，至今辦得相當好，學生人數不斷上升。愛心爆棚嘅佢話學校賺唔賺錢都係其次，最開心係見到班小朋友學乖；但講到事業同家庭之間嘅比重，佢就話永遠都會將家庭放在首位喎！
馬露明話幾時生小朋友要等神嘅安排。