SUN微博：打橫嚟講：三輸騎呢胡鬧劇

曾虛報前中共總書記江澤民死訊的香港電視台之亞洲電視，為迫令港府「呢世」都唔再發新電視牌照，畀「任何」一個機構開台，便以公司附屬組織「亞洲會」名義，走法律罅的召集員工家屬，在政府總部廣場做Show直播，被立法會議員指證違反《廣播條例》及通訊事務管理局頒下的業務守則，轟亞視公器私用，等同賣「政治廣告」。

亞視的「義工（佢自稱o架咋），那個名叫王征的二打六，同一群騎呢男女跳騎呢舞之餘，更否認「直播」的集會是亞視組織的！唉！睇吓你哋做啲乜質素嘅垃圾節目吖！

亞視再次押出誠信（唔認係召集人）出嚟做大龍鳳，唬嚇梁政府，唔准發新牌，理由只得一個，就係「免費電視業競爭激烈，再容不下多一家電視台」，吓！你哋瞓醒未？有何數據呢？咪又好似話江主席死訊咁下巴輕輕，噏得出就噏呀！

當然，家陣，無綫一家獨大，實是一個不健康的現象，政府有必要遵守開放大氣電波的公共承諾，可惜，那庸官蘇卡片的處理手法實在太廢，叫人不滿和憤怒！

至於，應否「拿臨」發牌畀「城電」呢？雖然，昨日有二百人登報聲援，但大家忘記咗城電那個老闆公開話過，佢間電視台將來只做劇集同娛樂節目，不掂政治，甚或時事，喂！即係有若一份報紙只得娛樂版。須知電視傳播要有社會責任，除娛樂大眾外，還得提供各方資訊，讓人有知情權，否則點解要畀個牌你！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

email：sunweibo@opg.com.hk

「就係敢爆」網址tv.on.cc/hot