政壇：政商定格：主導收購LME李小加有錢途
港交所收購倫敦金屬交易所（LME），好快就大功告成，預期下個月英國監管機構就會審批完成，套用LME行政總裁Martin Abbott嗰句，睇唔見單刁有乜問題，LME成為港交所囊中物，可以講幾乎係十拿九穩。早前獲續約三年兼加薪百分之七點五嘅港交所行政總裁李小加，所謂論功行賞，照睇好快會有人工加。
眾所周知，呢單港交所「世紀收購」，李小加由策劃、研究，到提出收購、收購策略、爭取LME股東同會員支持，以至同英國監管機構同埋內地有關方面「打招呼」，都親力親為，單係飛去倫敦，都唔知飛咗有幾多次。若果落實收購LME，獎勵吓都好順理成章。
李小加主導收購LME，照睇好快就會有人工加。