早前遇到米蘭站老闆Byron姚君達，佢話前排去咗成都公幹，睇中當地仲未有二手奢侈品市場，打算同當地朋友合資開舖，實行飲「頭啖湯」。
Byron話喺上海同北京兩個重鎮都有分店，但兩地經濟發展已達到飽和，反觀四川經濟起飛，有好大發展潛力。除咗北望神州外，佢仲睇好網上購物生意，慳番舖租之餘，又唔受地域限制。今年中國經濟增長有放緩迹象，佢投資都較以往審慎，佢話依家開新舖會同當地人合資，兼且運用當地人開拓銷售網絡，開源節流。
姚君達睇好成都二手奢侈品市場，打算喺當地開首間分店。
